Ondarearen
berreraikuntza birtuala

Beti egin duzu amets denboran bidaiatzearekin? Arkikusen zure ametsa errealitate bihurtzen dugu.

Hispania Nostra 2020 sariaSan Vicente gaztelua App-a

Finalista The App tourist awards-en, FITUR 2019Santa Catalina komentua App-a

“Euskal app onena” sarirako izendatua, Txapelketapp 2020 Vitoria-Gasteiz 1850 App-a

“Negozio ideia onena” saria, ACTÚAUPM 2016Arkikus

“Startup onena” diploma, ACTÚAUPM 2016Arkikus

Ezagutu gure proiektuak

Enkarterri Virtual

Canillas de Aceituno

Alcantarilla

Iruña-Veleia

Forua

Flaviobriga

Santa Katalina

Vitoria-Gasteiz 1850

San Vicente gaztelua

Kordoi Etxea: bisita birtuala

Previous

Next

¿Zer da ondare historikoaren berreraikuntza birtuala?

Ondare historikoaren berreraikuntza birtuala prozedura digitalak erabiltzen dituen teknika da, ondare-lekuek iraganean zein itxura izan zezaketen erakusteko, gaur egun eskura dauden aztarnen eta dokumentazio historikoaren interpretaziotik abiatuta.

— Desagertutako ondare historikoa berpiztu da

Zer onura dakarkio ondarea berreraikitzeak dibulgazio historikoari eta kultura-turismoari?

Desagertutako edo arriskuan dagoen ondarea dokumentatzeko eta garrantzia nabarmentzeko modu berritzailea da.
Publikoak bere begiekin ikus dezake bisitatzen ari den ondarearen iragana nolakoa izan zen.
Berreraikuntzaren errealismo grafikoak eta teknika horren osagai teknologikoak erakarpena sortzen dute eta bisita-fluxua handitzen dute.
Turistak bestelako dibulgazio-baliabide tradizionalekin baino, esperientzia hobea du eta gehiago murgiltzen da.
Teknika jasangarria da, ez inbaditzailea: ez dago ondarean esku hartu beharrik, eta horrek eztabaidak saihesten ditu.
Ondarearen interpretazio bat da, uneoro berrikus daitekeena.
Era guztietako dibulgazio-tresnetara eta, bereziki, teknologia berrietan oinarritutakoetara egokitzeko moduko edukiak sortzen ditu.

Nola egiten dugu berreraikuntza birtualeko proiektu bat?

Arkikusen ondarea berreraikitzeko eta modu birtualean zabaltzeko prozesu integralaz arduratzen gara. Horrek, ondare-leku bakoitzaren dokumentazio historiko eta geometrikoa, eduki digitalak sortzea, ingurunearen egokitzapen museografikoa eta dibulgazio-aplikazioen diseinua eta garapena barne hartzen ditu. Hori guztia gauzatzeko, diziplina anitzeko espezialista-talde bat dugu, elkarrekin lan egiten duena iragana orainaldia balitz bezala ikus dezazun.

— Ondare-leku bakoitza bakarra da. Horregatik, Arkikuseko proiektu bakoitza ere bakarra eta desberdina da.

Bidegarritasun azterketa

Ondare-ondasun bakoitza ebaluatzen dugu, balio teknologikoa emateko. Neurrira egindako proposamen bat diseinatzen dugu, ingurune sozioekonomikoaren beharrak, finantzabide posibleak eta komunikazio-estrategia kontuan hartuta.

Ikerketa

Eskuragarri dagoen dokumentazio arkeologiko eta historiko guztia aztertzen dugu, bertako adituen laguntzarekin, iraganaren berreraikuntza birtuala zorroztasun historiko handienarekin egiteko.

Dokumentazio fisikoa

Gaur egungo geometria eta ondarearen irudia puntako teknikekin dokumentatzen ditugu, biki birtualak lortzeko. Horietatik abiatuta, gure berreraikuntzak zehaztasun eta fideltasun grafikoarekin sortzen ditugu.

Edukien garapena

Berreraikuntza birtuala errealitate bihurtzen dugu: arkitekturak, giroak eta eszena historikoak birsortzen ditugu murgiltze esperientzia paregabea sortzeko. Testuak idazten ditugu eta honi lotutako lokuzioak hainbat hizkuntzatan grabatzen ditugu, dibulgazio-lengoaiarekin.

Produktua sortzea

Edukiak dibulgazio-tresna sorta zabal batera egokitzen ditugu: mugikorrentzako aplikazioak edo webgune interaktiboak, infografiak eta 3D bideoak, 360º-ko fotomuntaketak, 3D inprimatutako maketak, material museografikoa…

Lotutako elementuak

Dibulgazio-esperientzia osatzeko behar den material fisikoa diseinatu, ekoitzi eta instalatzen dugu: informazio-panelak, norabide-seinaleak, grafiko inprimatuak, papergintza, etab.

Zer teknologia erabiltzen dugu ondarea birtualki berreraikitzeko?

— Berrikuntza, ondare historikoaren zerbitzura

Eskaneatzea, puntu-hodeiak

Ingurunearen geometriaren dokumentazio zehatza egiteko, fotogrametria, LIDAR eskaneatzea eta laser-neurketa bezalako teknikak erabiltzen ditugu.

360º-ko argazkia eta bideoa

360º irudiak erabiltzen ditugu 3Dko eszenak eta arkitekturak birsortzeko eta ingurune murgilkorretan eta dinamikoetan ikus daitezen ahalbidetzeko.

IGS

Informazio Geografikoko Sistemek (GIS) berreraikitako elementuak espazioan zehaztasun osoz kokatzen laguntzen digute.

Modelatzea eta giropena

Azken belaunaldiko softwarearekin birsortzen ditugu ondare-leku bakoitzetik desagertutako bolumenak, eta eszena animatuak gehitzen ditugu.

HD renderizazioa

Argazki errealistak sortzen ditugu 3D ereduetatik abiatuta, beharrezkoak diren ehundura eta efektuak erabiliz, azken irudia ahalik eta errealistena izan dadin.

Postprozesatze digitala

Jasotako irudiak tratatzen ditugu azken kalitatea ezin hobea izan dadin eta ikusleak berreraikuntzaren xehetasunik gal ez dezan.

Berreraikuntza birtualerako mugikorrentzat aplikazioak eta webguneak

Arkikusen aplikazio mugikorrak eta webguneak garatzen ditugu ondarearen berreraikuntza birtualak ikusteko. Bisitarien gailu mugikorretatik abiatuta, ondare-ingurunerako esperientzia paregabeak, gogoangarriak eta jasangarriak sortzen ditugu.

Gure aplikazioek hainbat sari jaso dituzte beren edukien originaltasunarengatik eta kalitatearengatik, diseinurenagatik eta interaktibitatearengatik; multifuntzionalak dira. Beren ezaugarriei esker gure aplikazioak ondarea modu birtualean berreraikitzeko merkatuko irtenbiderik aurreratuenetakoak dira:

Gailu askotarikoak dira: smartphoneak, tabletak, VR betaurrekoak…
IOS-en, Android-en eta Huawei-en aurki daitezke
Ukipen-nabigazioko moduak giroskopio bidez eta VR.
Proiektuaren beharretara egokitutako interfaze moderno eta intuitiboa.
Bereizmen handiko 360º-ko murgiltze-inguruneak.
Pertsonaia historiko animatuak sartzea.

Informazioa testu eta audio formatuan.
Hizkuntza dibulgatzailea eta inklusiboa erabiltzea.
Edukiak hainbat hizkuntzatan eskuragarri.
Sare sozialetan esperientzia partekatzeko aukera.
Monitorizatzeko eta hobetzeko estadistikak sortzea.

— Denboraren makina bat zure eskuetan

Zergatik erabili Arkikusen eskaintzen ditugun ondarearen berreraikuntza birtualeko aplikazioak?

Bisitarien fidelizazio handiagoa, app-aren erabiltzaile-komunitateko kide bihurtzen baitira.
Turisten esperientzia optimizatzea, eta horrek, bisita-fluxu handiagoa ekar dezake. Ahalmen didaktiko handiko teknologia da, eta liburuxkek, audiogidek eta antzeko baliabideek eskainitako esperientzia tradizionala hobetzen du.
Aisialdirako eta ikaskuntzarako tresna, edozein toki eta unetan eskura daitekeena, eta publiko guztientzat egokia dena, dibertsitate funtzionala duten pertsonak barne.
Etengabeko laguntza: gu arduratzen gara app-a mantentzeaz eta eguneratzeaz.
Aplikazioen erabilerari buruzko prestakuntza ematen diegu gidariei eta ondare-kokalekuetako kudeatzaileei.
Bisiten datuak azter daitezke emandako zerbitzua hobetzeko.